थप ४५५ जनामा संक्रमण पुष्टि, ८०४ जना संक्रमणमुक्त

काठमाडौँ - नेपालमा बिहीबार थप ४ सय ५५ जनामा कोभिड १९ संक्रमण पुष्टि भएको छ । देशभर गरिएको ३ हजार ४ सय १८ पिसिआर परिक्षणका क्रममा ३ सय ९८ जना र २ हजार ७ सय ९६ एन्टीजेन परिक्षणका क्रममा ५७ जनामा कोभिड संक्रमण पुष्टि भएको स्वास्थ्य मन्त्रालयले जनाएको छ । 

यससँगै नेपालमा कोभिड संक्रमितको संख्या ८ लाख ९७ हजार ५ सय ८९ पुगेको छ । त्यस्तै कोभिडका कारण थप ८ जनाको मृत्यु भएको छ । हालसम्म नेपालमा कोभिडका कारण ११ हजार २ सय ६९ जनाले ज्यान गुमाएका छन् ।

---

त्यस्तै थप ८ सय ४ संक्रमित निको हुँदा हालसम्म नेपालमा ७ लाख ७९ हजार १ सय ५४ संक्रमित निको भएका छन् । हाल नेपालमा १३ हजार ८ सय ५३ सक्रिय संक्रमित आइशोलेशन र २ सय ३० जना क्वारेन्टाइनमा रहेको मन्त्रालयले जनाएको छ ।