आइतबार ५१८ जना संक्रमणमुक्त, थपिए ४०८ संक्रमित

काठमाडौँ- देशभर नयाँ कोभिड-१९ संक्रमित थपिने भन्दा संक्रमणमुक्त हुनेको संख्या बढेको छ । आज ( आइतबार) देशभरबाट ५१८ जना संक्रमणमुक्त भएका छन् । स्वास्थ्य तथा जनसंख्या मन्त्रालयका अनुसार  ७ लाख ९१ हजार ७८७ संक्रमणमुक्त भएका छन् ।

२४ घण्टामा ४०८ जना नयाँ संक्रमित थपिएका छन् । पीसीआर परीक्षणबाट ३६७ र एन्टीजेन्ट विधिबाट ३२ जनामा कोभिड पुष्‍टि भएको थियो । ७ हजार ८९९ जनाको कोभिड परीक्षण गरिएको थियो ।

---

८ जनाको मृत्यु र हालसम्म देशभर ११ हजार ४९७ जनाको कोभिड संक्रमणका कारण मृत्यु भइसकेको छ । देशभर सक्रिय संक्रमित ९ हजार ३७६ जना छन् ।

आईसीयूमा २२५ र भेन्टीलेटरमा ७० उपचाररत छन् । होम आईसोलेशनमा ८ हजार ६१५, संस्थागत आईसोलेशनमा ७६१ र क्वारेन्टिनमा २११ जना छन् ।शनिबार देशभरबाट ९११ जना संक्रमणमुक्त भएका थिए र ३७२ जना संक्रमित थपिका थिए ।