आइतबार देशभरबाट ४३६ जना संक्रमणमुक्त

काठमाडौँ- पछिल्लो २४ घण्टामा कोभिड-१९ संक्रमणबाट २४ घण्टामा ४ सय ३६ जना संक्रमणमुक्त भएका छन् । हालसम्म ८ लाख ४ हजार ५ सय ४४ जना संक्रमणमुक्त भइसकेका छन् ।

त्यसैगरी २०५ जना कोभिड-१९ का संक्रमित थपिएका छन् । आइतबार स्वास्थ्य तथा जनसंख्या मन्त्रालयकाअनुसार १० हजार ७ सय ४७ जनाको कोभिड परीक्षण गरिएको थियो ।  पीसीआर परीक्षणबाट २०० र एन्टीजेन्ट विधिबाट ५ जनामा कोभिड पुष्‍टि भएको छ ।

---

देशभर सक्रिय संक्रमित ६ हजार ५ सय ७ जना छन् । आईसीयूमा १ सय ७ र भेन्टीलेटरमा २८ जना उपचाररत छन् । होम आईसोलेशनमा ६ हजार १ सय ६३ , संस्थागत आईसोलेशनमा ३ सय ४४ र क्वारेन्टाइनमा ९७ जना छन् ।