जाजरकोटमा महिलाको शव फेला

सुर्खेत- जाजरकोटमा एक महिलाको शंकास्‍पद अवस्थामा शव भेटिएको छ । जिल्लाको नलगाड नगरपालिकामा पर्ने एक जंगलमा महिलाको शव फेला परेको हो ।

नलगाड नगरपालिका-१ की ४२ वर्षीया भगवती शाही घर नजिकैको जंगलमा मृत अवस्थामा फेला परेको जिल्ला प्रहरी कार्यालय जाजरकोटले जनाएको छ । शव सडेको र गन्हाउने अवस्थामा पुगिसकेपछि गाउँलेले प्रहरीलाई खबर गरेको जाजरकोटका प्रहरी प्रमुख प्रहरी नायव उपरीक्षक सन्तोष निरौलाले जानकारी दिए । ‘हामीलाई ८ गते खबर भएको हो, आज (आइतबार) बिहान हामीले भीरबाट शव निकालेर अस्पताल ल्याएका छौं,’ डिएसपी निरौलाले भने, ‘हामीले प्रारम्भिक अनुसन्धान सुरू गरेका छौं, घटनाको प्रकृति हेर्दा शंकास्पद देखिन्छ ।’

---

उनका अनुसार मृतकका श्रीमान् लोकबहादुर नेपालीलाई प्रहरीले नियन्त्रणमा लिएको छ । घरभन्दा करिब १ सय मिटरको दूरीमा फेला परेको महिलाको शवको प्रकृति हेर्दा एक हप्ताअघि नै मृत्यु भएको प्रहरीको अनुमान छ ।