सोलुमा मनाङ एअरको हेलिकोप्टर, ५ जनाको शव फेला

काठमाडौं । सोलुखुम्बुको सुर्केबाट काठमाडौंका लागि उडेको हेलिकोप्टर दुर्घटना भएको छ । सोलुखुम्बुको लिखुपिके गाउँपालिका–५ लामजुरामा आज मनाङ एअरको हेलिकोप्टर दुर्घटना भएको हो ।
सहायक प्रमुख जिल्ला अधिकारी सीता अधिकारीकाअनुसार दुर्घटनामा पाँच जनाको शव फेला परेको छ । हेलिकोप्टर पाइलट चेतबहादुर गुरुङले उडाएको जानकारी आएको उनले इकागजलाई जानकारी दिइन् । एक जना अझै बेपत्ता छन् । मृतकहरुको पहिचान खुलेको छैन ।

पाइलटसहित ६ जना यात्रु रहेको हेलिकोप्टर विहान १० बजेदेखि सम्पर्कविहीन भएको एअरका प्रवक्ता राजु न्यौपानेले इकागजलाई जानकारी दिए । मनाङको ९एनए–एमभी कलसाइन भएको हेलिकप्टर दुर्घटना भएको हो । 
उडेको १५ मिनेटमै हेलिकोप्टर सम्पर्कविहीन भएको थियो । हेलिकोप्टरमा रहेका पाँच जना नै यात्रु विदेशी हुन् ।

---