बझाङमा पहिरोले एकै परिवारका चार जनाको मृत्यु

धनगढी - बझाङको बुंगल नगरपालिका-१० स्थित टुमेडामा पहिरोमा च्यापिएर एकै परिवारका चार जनाको मृत्यु भएको छ ।

जिल्ला प्रहरी कार्यालय बझाङका अनुसार घरमाथिबाट पहिरो जाँदा काली धामी, गोल्की धामी, आसिका धामी र लक्ष्मी धामीको मृत्यु भएको हो । स्थानीय र प्रहरीले बिहान चारै जनाको शव निकालेको थियो ।

---

गएराति एक बजे पहिरो खसेर घर पुरिएको थियो । पहिरो जानेबित्तिकै स्थानीयले परिवारका अन्य पाँच जनाको उद्धार गरेका थिए ।