धनकुटामा बस ठेल्दा दुर्घटना: ७१ वर्षीय वृद्ध गम्भीर घाइते

काठमाडौँ - धनकुटाको छथरजोरपाटी गाउँपालिका-६ स्थित कोशी लोक मार्गमा मोरङबाट संखुवासभा जाँदै गरेको बस ठेलेर स्टार्ट गर्ने क्रममा दुर्घटनामा परेको छ। प्रदेश नं १-०२-००२ ख २६१ नम्बरको उक्त बसमा २५ जना यात्रु थिए। दुर्घटनामा संखुवासभा चैनपुर नगरपालिका-१० खराङका ७१ वर्षीय भल बहादुर कटुवाल घाइते भएका छन्।

घाइते कटुवाललाई स्थानीय क्लिनिकमा प्राथमिक उपचारपछि थप उपचारका लागि धरान पठाइएको छ। बसका चालक ४६ वर्षीय हरी बहादुर कटुवाललाई प्रहरी चौकी सिधुवाले नियन्त्रणमा लिएको छ। दुर्घटनाको कारण खुल्न बाँकी रहेको छ भने घटनास्थलमा थप अनुसन्धान भइरहेको छ।

---