तीन विदेशीसहित ८ क्रिप्टो कारोबारका मुख्य अभियुक्त हिरासतमै रहने

काठमाडौँ- क्रिप्टो कारोबारमा संलग्न रहेको आरोपमा ललितपुरबाट पक्राउ परेकामध्ये ८ जना १० दिन प्रहरी हिरासतमै रहने भएका छन्। 

एकान्तकुना एकतावस्तीमा कल सेन्टर सञ्चालन गरी क्रिप्टो कारोबार गरेको अभियोगमा हिजो नेपाल प्रहरीको केन्द्रीय अनुसन्धान ब्यूरोले सञ्चालकसहित ५० जनालाई पक्राउ गरेको थियो। 

---

तीन जना विदेशी नागरिक र ग्रुप लिडर ८ जनालाई हिरासतमै राखेर अनुसन्धान गर्न प्रहरीले अनुमति पाएको हो। अन्य ४२ जनालाई भने हाजीरजमानीमा राखेर अनुसन्धान भइरहेको सिआइबीका प्रहरी उपरीक्षक होबिन्द्र बोगटीले जानकारी दिए। 

अवैध कारोबार तथा प्रक्रियाको हिस्सेदारी नबन्न आह्वान गर्दै सिआइबीले घर तथा जग्गा धनीहरूलाई प्रचलित ऐन अनुसार प्रक्रिया पूरा गरेर मात्रै भाडामा लगाउन सचेत गराएको छ।