सिड्नीमा गुञ्जिदै रामकृष्ण

सिड्नी - नेपाली गीतसङ्गीतमा प्रसिद्ध नाम बनिसकेका गायक रामकृष्ण ढकाल अष्ट्रेलिया आउने भएका छन् । उनी एक महिना लामो साङ्गीतिक प्रस्तुति लिएर दर्शक तथा स्रोतासँग साक्षात्कार गर्ने तयारी गरिरहेका छन् ।

उनको ‘रामकृष्ण ढकाल अष्ट्रेलिया टुर’ नामक साङ्गीतिक भ्रमणको सुरुआत अष्ट्रेलियाको प्रमुख सहर सिड्नीबाट हुँदैछ । ए टू जेट क्लिनिङ सप्लाएर्स क्लिनिङ् एण्ड हस्पिटालिटी टाईटल स्पोन्सर रहेको उक्त टुरका लागि आफू उत्साहित रहेको गायक ढकालले बताएका छन् ।

---

उनले सामाजिक सञ्जालमार्फत आफ्नो खुसी साट्दै भनेका छन्,‘केही समयको अन्तरलापछि सिड्नी आउँदैछु । मेरा नयाँ र पुराना गीतसङ्गीतसँगै हाम्रो जमघट हुनेछ । हामी छिटै भेट्नेछौँ ।’​

सिड्नीको रकडेलमा रहेको इन्द्रेणी फन्सन सेन्टरमा उनको सुमधुर प्रस्तुति हेर्न सकिने छ । पाल्पा सर्भिसेसको प्रस्तुति रहेको यो कार्यक्रममा गोल्ड स्पोन्सरको रुपमा सर्च एजुकेसन र सिल्भर स्पोन्सरको रुपमा गोर्खाज सुपरमार्केट जोडिएको छ ।

गायक ढकालको प्रस्तुति हेर्न ९९ अष्ट्रेलियन डलर तोकिएको छ । उक्त रकममा रात्रिकालीन खानासमेत उपलब्ध हुने आयोजकले जनाएका छन् ।