अमेरिकाले चीनसँग प्रतिस्पर्धा गर्छ, दुश्मनी गर्दैन : बाइडन

काठमाडौँ  : अमेरिका दुश्मनी भन्दा स्वच्छ प्रतिस्पर्धामा विश्‍वास राख्‍ने मुलुक रहेको अमेरिकी राष्ट्रपति जो बाइडनले बताएका छन् । चीनको प्रसंगमा बोल्दै उनले त्यस्तो धारणाा व्यक्त गरेका हुन् । 

चीनसँग सधैँ प्रतिस्पर्धा गर्न अमेरिका तयार छ तर द्वन्द्व गर्ने नीति लिएको छैन । अमेरिकी राष्ट्रपति बाइडनले 'वेइजिङले सर्वोच्चता वा एकाधीकार खोजिरहेको भए केही छैन त्यसमा हामी प्रतिस्पर्धा गर्न तयार छौँ' भनेका हुन् ।

---

'द्वन्द्व गरेर होइन स्वस्च्छ प्रतिस्पर्धा  गरेर अघि बढ्ने चाह र संस्कार अमेरिकाको हो,' उनले संसद्मा भनेका छन्,'चीन अघि बढ्न चाहेको भए स्वच्छ प्रतिस्पर्धामा आउँदा हुन्छ, छलकपट र दुस्मनी शैली अमेरिकालाई स्वीकार्य हुँदैन ।' 

अमेरिकाको सर्वोच्च पदमा पुगेको एक सय दिनको अवसरमा उनले यस्तो धारणा व्यक्त गरेका हुन् । उनले आफ्नो मुलुक भित्रका कैयन मुद्दाको विषयमा पनि चुनावमा गरेको प्रतिबद्धता अनुरुप नै अघि बढेको बताए । उनले प्रहरीमा सुधार, आप्रवासनमा सुधार र बन्दुक नियन्त्रण लगायतको विषय छन् । अमेरिकी समकालीन राजनीतिका निकै संवेदनशील विषयहरू हुनाले पनि बाइडनको धारणा आफैँमा अर्थपूर्ण छ । 

राजनीतिक नेतृत्व र जनताबीचको विश्वास पुनः स्थापित हुँदै गएको र यो अवाश्यक पनि भएको उनले बताए । उनले जातिय विभेदलाई जरैदेखि उखेलेर फाल्न पर्नेमा समेत जोड दिँदै अमेरिकी तल्लो सदनले पहिल्यै पारित गरिसकेको सुधार सम्बन्धी विधेयकलाई छिटटै माथिल्लो सदनमा ल्याउने र छलफल गरेर निर्णयमा पुग्नेसमेत उनले बताए । उनले यसका लागि सिनेटलाई आग्रहसमेत गरेका छन् ।

जनहितको विषयमा रिपब्लिकन र डेमोक्रेटहरू मिलेर नै अघि बढ्न पर्नेपनि उनले बताए । राष्ट्रपति बाइडनले अध्यागमनका कैयन मुद्दाहरू बारेको हाम्रो थकित युद्ध अब अन्त्य गर्न आग्रह गरे । तर, बाइडनले गरेको एकताको आह्वानलाई रिपब्लिकनले सुनिहाल्ने संकेत नभए पनि उनको पहलको सरहाना भने हुनेछ । रिपब्लिकनले बाइडनद्वारा अघि बढाइएको धारणा हावादारी भएकोसमेत बताएका छन् । 

अमेरिकी जनताबाट मात्र अमेरिकाअघि बढ्छ र समाजवादी सपना र वासिंटनको योजनाबाट अमेरिकीको भविष्य उज्ज्वल हुन नसक्ने धारणा पनि उनको छ । अमेरिकी ठूला धनीमाथि कर बृद्धि गरेर त्यहाँबाट आउने रकम श्रमिकमा उपयोग गर्ने योजना पनि सुनाएका थिए । उनले १८ खर्ब डलरको अमेरिकन फेमिलिज प्लान नामको योजना समेत अमेरिकी सदनमा सार्वजनिक गरे । उनको योजनामा बालशिक्षा, बालबालिकाको स्याहार र उच्च शिक्षामा जोड लगायत छन् । वार्षिक चार लाख भन्दा कम आय हुने अमेरिकीले अतिरिक्त कर तिर्न नपर्ने भन्दै उनले मध्यम आए भएकालाई सहज पारिदिएका छन् ।