प्रमुख समाचार

जसपाको यादव समूहले दलको नेतासहितका पदाधिकारी चयनको प्रक्रिया सुरु गर्ने

इकागज |
साउन ९, २०७८ १५:४८ बजे

काठमाडौँ - जनता समाजवादी पार्टी (जसपा)को अध्यक्ष उपेन्द्र यादव समूहले संसदीय दलको नेता, प्रमुख सचेतक तथा दलका पदाधिकारी बनाउन निर्वाचन समिति बनाउने भएको छ । त्यसका लागि अहिले पार्टी कार्यालय बालकुमारीमा कार्यकारिणी समिति बैठक बसिरहेको छ । 

बैठकको मुख्य एजेण्डा दलले पारित गरेर पठाएको संसदीय दलको विधान स‌ंशोशनसहित पारित गर्ने छ । त्यस्तै बैठकमा ‌प्रशिक्षण अभिमुखीकरण सम्बन्धमा पनि छलफल भइरहेको छ ।


ADVERTISEMENT

पार्टीको अर्को समूहले सर्वोच्च अदालतमा पार्टीको आधिकारिकतासम्बन्धमा दायर गरेको रिट र निर्वाचन आयोगले ११ साउनमा आधिकारिकताका लागि सबै कार्यकारिणी समिति सदस्यलाई बोलाएको सम्बन्धमा पनि छलफल भइरहेको छ । 

बैठकमा समसामयिक राजनीतिक विषय, पार्टीको प्रशिक्षण र सर्वोच्च अदालतमा महन्थ ठाकुरले दिएको मुद्दा र निर्वाचन आयोगमा जारी आधिकारिकता विवादका विषयमा छलफल भइरहेको छ । 



Author

थप समाचार