स्वास्थ्य मन्त्रालयले भन्यो : कोभिडको तेस्रो लहर आउँदैछ, अक्सिजन सिलिण्डर भरेर राख्‍नू

काठमाडौँ – सरकारले कोभिड संक्रमितको संख्या बढ्दै गएपछि  आवश्यक सतर्कता अपनाउन सबैलाई आग्रह गरेको छ ।  स्वास्थ्य तथा जनसंख्या मन्त्रालयले सोमबार सातै प्रदेशका सामाजिक विकास मन्त्रालयलाई निर्देशनात्मक पत्र पठाउँदै अक्सिजनको सिलिण्डर, अक्सिजन प्लान्ट, अक्सिजन टयांक र अक्सिजन कन्सर्नट्रेटर चालु अवस्थामा राख्‍न भनेको हो ।  

मन्त्रालयले भविष्यमा कोभिड संक्रमितको संख्या बढ्न सक्ने भएकोले आपूर्ति केन्द्रले एकहजार अक्सिजन सिलिण्डर भरेर राख्न पनि निर्देशन दिएको छ । 

---

कडाइका साथ निषेधाज्ञा नहुनु र जनस्वास्थ्यको मापदण्ड पालना नगर्दा कोभिडको तेस्रो लहरको जोखिम बढेको छ ।  केही दिन यता तीव्र रुपमा संक्रमण बढेकोले कोभिडको तेस्रो लहर आउने मन्त्रालले जारी गरेको सूचनामा उल्लेख छ ।