बहराईनले नेपाललाई कोभिड-१९ को रेड लिस्टबाट हटायो

काठमाडौँ-  बहराइनले नेपाललाई कोभिड-१९ को 'रेड लिस्ट' बाट हटाएको छ । बहराईनस्थित नेपाली दूतावासले नेपाललाई 'रेड लिस्ट' बाट हटाउन आग्रह गरेको थियो ।

स्वास्थ्य मन्त्रालय र परराष्‍ट्र मन्त्रालयलाई कोभिड नियन्त्रणका लागि विवरण माग गरेको थियो । मन्त्रालयले दूतावासलाई खोप कार्यक्रमलगायतको विवरण माग गरेको थियो । कोभिड नियन्त्रण गर्न गरिएको प्रगतिलाई लिएर बहराईनले नेपाललाई रेड लिस्टबाट हटाएको हो ।

---

विश्व स्वास्थ्य संगठनले मान्यता प्रदान गरेको खोप लगाएकाले क्‍वारेन्टाइनमा बस्‍नु नपर्ने दूतावासले जनाएको छ । क्यू आर कोडसहितको खोप प्रमाणपत्र साथमा भने लिएर जानुपर्ने छ ।

खोप नलगाएका र मात्रा पूरा नगरेकाले बहाराईनको स्वास्थ्य मन्त्रालयले तोकेको क्‍वारेन्टाइनमा बस्‍नुपर्ने छ । बहराइन पुगेपछि भने विमानस्थल, पाँचौं र १० औं दिनमा पीसीआर परीक्षण गर्नुपर्नेछ ।