सर्लाहीको कौडेनामा गोली चल्यो

काठमाडाैँ  – सर्लाहीको कौडेनामा गोली चलेकाे छ ।

कौडेनामा कृषिमन्त्री पुगेपछि स्थानीयले होहल्ला गर्दा स्थितिलाई नियन्त्रणमा लिन प्रहरीले गोली चलाएको सर्लाहीका प्रहरी प्रमुख एसपी प्रवीण पोखरेलले बताएका छन्। 

---

उनका अनुसार कार्यकर्ता भेटघाटको क्रममा कौडेनामा शनिबार कृषिमन्त्री महेन्द्र यादव पुगेपछि माओवादी केन्द्रका स्थानीय कार्यकर्ताहरुले हुल हुज्जत गर्न खोजेका थिए।

कृषिमन्त्री यादवमाथि ढुंगामुढा हुने सम्भावना बढेपछि प्रहरीले स्थितिलाई नियन्त्रणमा लिन ५ राउन्ड हवाइ फायर गरेको र स्थिति नियन्त्रणमा आइसकेको प्रहरीले जनाएकाे छ ।

११ नगरपालिका र ९ गाउँपालिकासहित २० स्थानीय तह रहेको सर्लाहीको धेरै ठाउँमा मतगणना सुरु भएको छ। जिल्लाको १५ स्थानीय तहको मतगणना सुरु भइसकेको एसपी पोखरेलले जानकारी गराएका छन्।