शुक्लाफाँटा आरक्ष पीडितलाई व्यवस्थापन गरियोस् : सांसद महरा

काठमाडाैँ– नेकपा (माओवादी केन्द्र)का सांसद महेशकुमार महराले कञ्चनपुरको शुक्लाफाँटा आरक्ष पीडितहरूको उचित व्यवस्थापन गर्न माग गरेका छन् ।

मंगलबार राष्ट्रिय सभा बैठकमा बोल्दै उनले कञ्चनपुरको शुक्लाफाँटा आरक्षबाट २०५८ सालमा त्यहाँका नागरिकहरूलाई निकालिएको भए पनि हालसम्म उचित व्यवस्थापन नगरिएको बताए । उनले विस्थापित आरक्ष पीडितहरूलाई व्यवस्थित गर्न माग गरे ।

---

आरक्ष पीडितहरूको हालसम्म शिविर, जंगल र नदीका किनारामा बस्न बाध्य भएको भन्दै उनीहरूलाई जमिन दिएर व्यवस्थापन गर्नुपर्ने उनले बताए । आफ्नो जमिन आरक्षलाई छोडेको भए पनि त्यहाँका नागरिकलाई हालसम्म मुआब्जा नदिइएको उनको भनाइ छ । 

उनले बजेटमा भूमिहीनलाई कसरी र कहाँ जग्गा दिने भन्ने उल्लेख नगरिएको बताए । त्यस्तै बजेट संघीयताको पक्षमा नरहेको उनले उल्लेख गरे ।