एमाले आफ्नो मागप्रति अडिग रहेपछि प्रतिनिधिसभाको आजको बैठक स्थगित

काठमाडौँ– प्रतिनिधिसभाको आज (सोमबार)को बैठक स्थगित भएको छ । बैठक भोलि (मंगलबार) १ बजे बस्ने गरी स्थगित भएको हो ।

प्रमुख प्रतिपक्षी दल नेकपा एमालेले सत्तापक्षसँग सुन प्रकरण छानबिन गर्न उच्च स्तरीय छानबिन समित गठन गर्नुपर्ने माग गरेको थियो । तर, सत्तापक्ष यसमा सहमत हुन सकेन । एमाले आफ्नो मागप्रति अडिग रहेपछि आजको बैठक स्थगित हुन पुग्यो । 

---

संसद् अवरोध हटाउने विषयमा सहमति निकाल्न सोमबार बिहान एमाले अध्यक्ष र प्रधानमन्त्री पुष्पकमल दाहाल 'प्रचण्ड'बीच छलफल भएको थियो । तर, बैठकबाट कुनै निष्कर्ष निस्कन सकेन । 

एमालेले साउन १० गते पनि यसै विषयलाई लिएर संसद् अवरोध गरेको थियो ।

प्रतिनिधिसभाको बैठक सोमबार दिउँसो १ बजे बस्ने कार्यसूची थियो ।