संसदीय समितिका सभापतिको निर्वाचन भदौ ११ गते हुने

काठमाडौँ– संसदीय समितिका सभापतिको निर्वाचन आगामी भदौ ११ गते हुने भएको छ । 

प्रतिनिधिसभाका सभामुख देवराज घिमिरेले बिहीबारको बैठकमा निर्वाचनको कार्यतालिका प्रस्तुत गर्ने कार्यक्रम रहेकाे छ । प्रतिनिधिसभाका १० तथा प्रतिनिधि सभा र राष्ट्रिय सभाका संयुक्त २ गरी जम्मा १२ वटा समितिका सभापति पद चयन अहिलेसम्म भएका छैनन् ।

---

सभापति चयन नहुँदा संसदीय समितिका बैठक समितिका ज्येष्ठ सदस्यको अध्यक्षतामा बस्ने गरेको छ । निर्वाचन भएसँगै संसदीय समितिहरूले नेतृत्व पाउने भएका छन् ।