घुस र कमिसनले जीवन चलाउने राजनीति रहेसम्म मुलुक बन्दैन : श्रेष्ठ

काठमाडौँ- नेकपा माओवादी केन्द्रका नेता नारायणकाजी श्रेष्ठले घुस तथा कमिसनले जीवन चलाउने सदावहार चिन्तन संस्कृतिमा अधारित राजनीति रहेसम्म मुलुक नबन्‍ने बताएका छन् । सामाजिक सञ्जाल फेसबुकमा लेख्‍दै नेता श्रेष्ठले विप्रेषण,भन्सार राजस्व र वैदेशिक ऋणले देश चलाउने र घुस तथा कमिसनले जीवन चलाउने सदावहार चिन्तन संस्कृतिमा अधारित राजनीति रहेसम्म मुलुक नबन्‍ने बताएका हुन् ।

'विप्रेषण,भन्सार राजस्व र वैदेशिक ऋणले देश चलाउने र घुस तथा कमिसनले जीवन चलाउने सदाबहार चिन्तन संस्कृतिमा अधारित राजनीति रहेसम्म मुलुक बन्दैन' श्रेष्ठले लेखेका छन् 'देश र जनताले दुःख पाइराख्छन् । त्यसैले देशलाई बदल्न पार्टीहरूले आफुलाई बदल्नु नेपालको आजको मुख्य आवश्यकता हो ।'

---

उनले लेखेका छन् 'यसलाई सारतत्वमा आत्मसात गर्दै हाम्रो पार्टी नेकपा (माओवादी केन्द्र) को २०७८ मा बसेको केन्द्रीय समितिको बैठक र पुषमा सम्पन्न आँठौ महाधिवेशनले आफुलाई रुपान्तरण गर्ने निष्कर्षसहित त्यसदिशामा घनिभित ढङ्गले अघि बढ्ने संकल्प गरेको थियो । त्यसप्रति  इमान्दार एवं प्रतिबद्ध बनौं र एकताबद्ध भई रुपान्तरणको प्रकृयामा हेलिऔं ।'