दल

कांग्रेसका असन्तुष्ट समूह भन्छन्

पार्टीभित्र ४० प्रतिशत सीट सुनिश्चितता नभए विद्रोह हुन्छ

इकागज |
असोज ८, २०७९ शनिवार १७:११ बजे

काठमाडौँ- नेपाली कांग्रेसका असन्तुष्ट समूहले पार्टीभित्र ४० प्रतिशत सीट सुनिश्चितता गर्न माग गरेको छ ।

उनीहरूले आफूहरूको मागको सुनुवाइ नभए आगामी निर्वाचनमा जित्न सहज नहुने चेतावनी समेत दिएका छन् । आफूहरूको मागका विषयमा पार्टी नेतृत्वलाई ध्यानाकर्षण गराइएको भन्दै उनीहरूले यस विषयमा गम्भीर हुन पनि आग्रह गरेका छन् ।


कार्यक्रममा कांग्रेस नेता गुरु घिमिरेले पार्टीभित्र ४० प्रतिशत सीट सुनिश्चितता नभए विद्रोह हुने चेतावनी दिए । उनले गुटलाई प्रश्रय दिए पार्टी अघि बढ्न नसक्ने बताए ।

त्यस्तै कांग्रेसका युवा नेता भुपेन्द्रजंग शाहीले समानुपातिक सूची सच्याउन ध्यानाकर्षण गराए । उनले पार्टीमा योगदान गरेका कार्यकर्तालाई सडकमा अलपत्र पारेर नेताहरूले मात्र चुनाव लड्न नपाउने जिकिर गरे ।

त्यस्तै कांग्रेस युवा नेता मनोजमणी आचार्यले पार्टीभित्र न्यायोचित टिकट वितरण हुनुपर्ने भन्दै त्यसो हुन नसके ४० प्रतिशत चाहिने स्पष्ट पारे ।

कार्यक्रममा सहभागी नेताहरूले पार्टी सभापति गठबन्धनलाई मात्रै च्यापेर अघि बढेको र पार्टीभित्रकै नेता तथा कार्यकर्तालाई बेवास्ता गरेको आरोप लगाएका थिए । 


Author

थप समाचार
x