दल

संसदीय छानबिन समिति बनाउन विपक्षी दल एकजुट

इकागज |
जेठ ४, २०८१ शुक्रबार १३:७:३ बजे

काठमाडौँ - प्रतिनिधिसभामा विपक्ष दलहरूले कांग्रेसले उठाएको सहकारी प्रकरणमा संसदीय छानबिन समितिको मागमा एकमत हुने निर्णय गरेको छ ।

संसद् भवन नयाँबानेश्वरमा बसेको विपक्षी दलहरूको बैठकले कांग्रेसको मागमा एकजुट हुने निर्णय गरेको हो । त्यस्तै बैठकले सभामुखलाई हिजोको घटनाका सम्बन्धमा ध्यानाकर्षण गराउने निर्णय गरेको छ ।


सहकारी प्रकरणमा उपप्रधान तथा गृहमन्त्रीमाथि रवि लामिछानेमाथि संसदीय छानबिन समितिको अडानमा रहेको कांग्रेसले निरन्तर सदन अवरुद्ध गरिरहेको छ ।

कांग्रेसका सभापति शेरबहादुर देउवाले बोलाएको विपक्षी दलहरूको बैठकमा जनता समाजवादी पार्टी, नेपालका नेताहरु पनि सहभागी भएका थिए ।

त्यस्तै बैठकमा जसपा, नेपालका अध्यक्ष एवम् संसदीय दलका नेता उपेन्द्र यादव र नेता राजकिशोर यादव सहभागी छन् । त्यस्तै राप्रपाबाट बुद्धिमान तामाङ र ज्ञानेन्द्र शाही उपस्थित छन् भने लोसपाबाट महन्थ ठाकुर र शरदसिंह भण्डारी लगायतका नेताहरु सहभागी रहेका थिए । 


Author

थप समाचार
x