दल

कांग्रेस महाधिवेशन : सदस्यता छानबिन समितिले माग्यो दुई दिन

छानबिन प्रतिवेदन आएपछि वडा अधिवेशनको नयाँ मिति तोकिने

इकागज |
साउन ९, २०७८ १५:१० बजे

फाइल तस्बिर

काठमाडौँ – नेपाली कांग्रेसको १४ औं महाधिवेशन प्रयोजनार्थ गठित क्रियाशील सदस्यता छानबिन समितिले ‘सदस्यता छानबिन प्रतिवेदन’ बुझाउन दुई दिन समय मागेको छ । आज बसेको पदाधिकारी पूर्वपदाधिकारी बैठकमा छानबिन समितिका संयोजक रमेश लेखकले दुई दिनको समय मागेको महामन्त्री पूर्णबहादुर खड्काले जानकारी दिए । 

‘क्रियाशील सदस्यता छानबिन समितिले दुई/तीन दिनमा प्रतिवेदन बुझाउने जानकारी गराएको छ,’ महामन्त्री खड्काले इकागजसँग भने, ‘सदस्यताबारे टुंगो लागिनसकेकाले साउन १२ गतेका लागि तय वडा अधिवेशन तत्कालका लागि स्थगित गरिएको छ ।’


ADVERTISEMENT

स्रोतका अनुसार छानबिन समितिलाई मंगलबारसम्म जसरी भए पनि सदस्यतासम्बन्धी प्रतिवेदन बुझाउन भनिएको छ । 

प्रधानमन्त्रीसमेत रहेका सभापति शेरबहादुर देउवा निवास बुढानीलकण्ठमा बसेको पदाधिकारी पूर्वपदाधिकारी बैठकमा पार्टी अधिवेशन, क्रियाशील सदस्यता, निर्वाचन समितिसँग छलफलबारे कुराकानी भएको महामन्त्री खड्काले जानकारी दिए । 

छानबिन समितिले क्रियाशील सदस्यतासम्बन्धी फाइल बुझाएपछि पार्टीको निर्वाचन समितिसँगको परामर्शमा नयाँ वडा र अन्य अधिवेशनको कार्यलालिका सार्वजनिक गरिने महामन्त्री खड्काले जानकारी दिए । 
बैठकमा सदस्यतासम्बन्धी विषयलाई लिएर पार्टी केन्द्रीय कार्यालयमा भइरहेका अनसनबारे पनि छलफल भएको थियो । 



Author

थप समाचार