कांग्रेस प्रदेशसभा 'ख' को सभापतिमा मैया श्रेष्ठ विजयी

पाँचथर- नेपाली कांग्रेस पाँचथर प्रदेशसभा निर्वाचन क्षेत्र 'ख' को सभापतिमा मैया श्रेष्ठ लावती विजयी भएकी छन् । आइतबार सम्पन्न भएको मतगणनाअनुसार श्रेष्ठले २७३ मत प्राप्त गर्दै विजय हासिल गरिन् । श्रेष्ठका प्रतिद्वन्द्वी नगेन्द्रकुमार लामाले २०९ मत प्राप्त गरेका छन् । श्रेष्ठ जिल्ला सभापतिका उमेद्‍वार सुरेन्द्रकुमार दाहाल पक्षधर हुन् भने लामा जिल्ला सभापतिका अर्का उमेद्‍वार रुपनारायण जबेगू पक्षधर हुन् । 

उपसभापति पदमा श्रेष्ठको प्यानलका तेजबहादुर चेम्जोङ २९१ मत र लामा प्यानलका जितबहादुर भण्डारी २७४ मत प्राप्त गर्दै विजयी भएका छन् । उपसभापति पदमा गणेश मिश्रले ११२ मत र महेन्द्रकुमार आङ्देम्बेले १८६ मत पाएका छन् । प्रदेशसभा क्षेत्रीय कार्यसमितिको सचिवमा भने भरत तुम्बापो र भक्त लावती सर्वसम्मत निर्वाचित भएका छन् । 

---

यस्तै दुई जना सहसचिवमा ज्योती प्रभा भण्डारी २७२ र नरेन्द्र शेर्माले २४२ मत सहित विजयी भएका छन् । सहसचिव पदमा गोपाल घिमिरेले १८० मत र भीमप्रसाद हुँमागाईंले १४५ प्राप्त गरेको निर्वाचन समितिले जनाएको छ ।

पाँचथर प्रदेशसभा निर्वाचन क्षेत्र ख मा कांग्रेसको क्षेत्रीय कार्यसमिति, जिल्ला कार्यसमिति र महाधिवेशन प्रतिनिधि चयनका लागि वडा कार्यसमितिका सभापति र क्षेत्रीय प्रतिनिधि गरी ५०५ प्रतिनिधि रहेकामा ४९७ जनाले मतदान प्रक्रियामा भाग लिएका थिए । पाँचथर प्रदेशसभा निर्वाचन क्षेत्र क मा भने हिजो नै मतगणना सम्पन्न भएको थियो । उक्त क्षेत्रमा भगीश्वर योङहाङ नेतृत्वको प्यानल विजयी भएको छ ।