सर्वदलीय बैठकअघि सत्‍ता गठबन्धनको बैठक बस्‍दै

काठमाडौं : सर्वदलीय बैठकअघि सत्तारुढ गठबन्धनको बैठक बस्‍ने भएको छ । साँझ ४ बजे बस्ने सर्वदलीय बैठकअघि सत्ता गठबन्धनको बैठक बस्‍न लागेको राष्ट्रिय जनमोर्चाकी नेतृ दुर्गा पौडेलले जानकारी दिइन् । उपत्यकाबाहिर रहेकी पौडेलकाअनुसार दिउँसो ३ बजे बालुवाटारमा गठबन्धनको बैठक बस्‍न लागेको हो ।

बैठकका एजेण्‍डाबारे भने जानकारी नआएको उनले बताइन् । 'म त उपत्यकाबाहिर छु । गठबन्धनको बैठक भनेर खबर प्राप्त भएको छ, इकागजसँग पौडेलले भनिन्, 'एजेण्डाबारे खुलाइएको छैन । बैठक ३ बजे बस्‍ने भनिएको छ ।'

---

सर्वदलीय बैठकमा पेश हुने एजेन्डाबारे साझा धारणा बनाउन सत्ता गठबन्धनको बैठक बस्न लागेको हो । ४ बजे सर्वदलीय बैठक आह्‍वान गरिएको छ । बैठकमा संसद्मा जारी अवरोध, एमसीसीलगायत समसामयिक राजनीतिक विषयमा छलफल हुने जनाइएको छ। तर, एमाले भने बैठकमा सहभागी नहुने भएको छ ।