नेकपा एमाले कैलालीकाे मतदान प्रक्रिया भाेलिका लागि सर्‍याे

कैलाली - नेकपा एमाले कैलालीको नयाँ नेतृत्वको लागि मतदान भोलि (पौष २६ गते )बिहान ८ बजेका लागि सारिएको छ । यस अघि आज साँझ ४ बजेबाट मतदान हुने भनिएको थियो ।

प्रमुख निर्वाचन अधिकृत चक्र तिमिल्सिनाले आज राति नै मतदान गर्ने गरी सबै प्रक्रिया सकाएको भए पनि राति मतदान गर्न उचित नहुने सबैको रायपछि भोलि बिहान ८ बजेबाट मतदान हुने बताए ।

---

उनले मतदानका लागि मतपेटिका, मतपत्र लगायतका सबै प्रक्रिया पूरा भएको समेत बताए । समयमा मतदान नभएको भन्दै कार्यकर्ताहरूले नाराबाजी गरेपछि आज हुने भनिएको मतदान हुन नसकेको उनले बताए ।