प्रधानमन्त्री देउवा, प्रचण्ड र ओलीबीच बालुवाटारमा बैठक सुरु

काठमाडौँ : एमसीसीका विषयमा छलफल गर्न बालुवाटारमा बैठक सुरु भएको छ । प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ र प्रमुख प्रतिपक्षी नेकपा एमालेका अध्यक्ष केपी शर्मा ओलीबीच बालुवाटारमा बैठक सुरु भएको हो ।

---

बैठकमा सरकारका प्रवक्ता समेत रहेका सञ्चार तथा सूचना प्रविधिमन्त्री ज्ञानेन्द्र कार्की, एमाले महासचिव शंकर पाेखरेल लगायत पनि सहभागी छन् । प्रधानमन्त्री देउवा र माओवादी अध्यक्ष दाहालले एमसीसी संसदबाट पारित गर्ने प्रतिबद्धतासहितको पत्र एमसीसीलाई पठाएको सार्वजनिक भएपछि तीनै दलका शीर्ष नेता छलफलमा जुटेका हुन् ।