जगन्नाथ पौडेललाई फकाउन पुगेका रामचन्द्र पौडेलले पाएनन् सकारात्मक प्रतिक्रिया

काठमाडौँ– नेपाली कांग्रेसका वरिष्ठ नेता एवं सत्ता गठबन्धनका संयोजक रामचन्द्र पौडेल भरतपुर महानगरका स्वतन्त्र मेयर उम्मेदवार जगन्नाथ पौडेललाई फकाउन भरतपुर पुगेका छन् । 

वरिष्ठ नेता पौडेलले जगन्नाथ पौडेल, कृष्णलाल सापकोटा र मीरा खरेललाई भरतपुर लायन्स चोकमा रहेको कांग्रेसका सांसद एवं व्यवसायी उमेश श्रेष्ठको सिराइचुली होटलमा भेटेर कुराकानी गरेका थिए । सापकोटा र खरेल मेयरका उम्मेदवार पौडेलका प्रस्तावक र समर्थक हुन् । पौडेलसहित तीनै जनाको विद्रोही उम्मेदवार एवं उम्मेदवारको प्रस्तावक र समर्थक बनेको भन्दै कांग्रेसले क्रियाशील सदस्यता खारेज गरिसकेको छ । 

---

भेटमा पौडेल, सापकोटा र खरेलले रेणु दाहाललाई पनि सँगै राखेर छलफल गर्न पाएको भए समाधान निस्कन्थ्यो कि भनेर उनलाई पनि बोलाउन वरिष्ठ नेता पौडेललाई आग्रह गरेका थिए । गठबन्धन सफल भएर संघ र प्रदेशको निर्वाचनमा समेत अनुकुल परिणाम आए गठबन्धनले वरिष्ठ नेता पौडेललाई राष्ट्रपति बनाउने चर्चा छ ।