संखुवासभामा कांग्रेसका दिपक खड्का निर्वाचित

विराटनगर- संखुवासभाबाट नेपाली कांग्रेसका दिपक खड्का प्रतिनिधिसभा सदस्यमा निर्वाचित भएका छन् । उनले २०७४ को निर्वाचनमा नेकपा एमालेका राजेन्द्रप्रसाद गौतमसँगको हारको बदला लिएका छन् ।

खड्काले ३२ हजार १५८ मत प्राप्त गरेका छन् । पराजित भएका गौतमले २६ हजार ७१९ मत पाएका हुन् । कांग्रेस जिल्ला सभापति समेत रहेका खड्का आफ्नो जितपछि सदरमुकाम खाँदवारीमा विजय र्‍यालीमा सहभागी भएका छन् । 

---

संखुवासभाको प्रदेशसभा निर्वाचन क्षेत्र (१) तर्फ गठबन्धनबाट माओवादी केन्द्रका राजेन्द्र कार्की निर्वाचित भएका छन् । प्रदेशसभा (२) को भने मतगणना जारी रहेको जनाइएको छ ।
प्रदेशसभामा निर्वाचित भएका कार्कीले ३४ मतको अन्तरले नेकपा एमालेका भविश्वर गुरुङलाई पराजित गरेका हुन् ।