भारतीय मिडिया भन्छ : दिल्ली पछि हट्नुपर्छ, नेपालमा वैकल्पिक सरकार आवश्यक

काठमाडौँ : भारतीय सञ्‍चारमाध्यमले नेपालले वैकल्पिक र स्थिर सरकार निर्माणमा जोड दिनुपर्ने टिप्पणी गरेका छन् । प्रधानमन्त्री केपी शर्मा ओलीले संसद्‍मा विश्‍वासको मत गुमाएपछिको घटनालाई त्यहाँका दैनिक अखबारहरूले प्राथमिकताका साथ प्रकाशित गरेका छन् । 

भारतीय राष्ट्रिय दैनिक दी हिन्दूले प्रकाशित गरेको सम्पादकीयमा नेपालको राजनीति वैकल्पिक र स्थिर सरकार निर्माणमा केन्द्रित हुनुपर्ने उल्लेख छ । कोभिड-१९ को आक्रमणबाट थलिएको नेपालले स्थिर सरकार निर्माणमा ध्यान दिनुपर्ने उल्लेख छ । 

भारतको चर्चित दैनिक हिन्दुस्तान टाइम्सले सम्पादकीयमै भारतको सहायता, जसपाबीचको मतभेद र कांग्रेस सभापति शेरबहादुर देउवाको उदासिनताले केपी शर्मा ओली अझै सत्तामा रहने आकलन गरेको छ ।

---

ओली अल्पसंख्यकका लागि पक्षपाती, आन्तरिक राजनीतिमा निरंकुश र कोभिड व्यवस्थापनमा गैर जिम्मेवार  रहेको सम्पादकीयको ठहर छ । नेपालको राजनीतिमा नयाँ सरकार गठनका लागि दिल्ली सरकार पछि हट्नुपर्ने उसको निष्कर्ष छ । उसले भारतीय सरकारलाई छिमेकी देशको राजनीतिमा हस्तक्षेप नगर्न र सक्दो सहयोग गर्न अपील गरेको छ ।