राजनीति

नेकपा एसको पाल्पा जिल्ला अध्यक्षमा पाण्डे

इकागज |
भदौ २६, २०७८ २१:३८ बजे

बुटवल – नेपाल कम्युनिष्ट पार्टी (एकीकृत समाजवादी) ले पाल्पा जिल्ला कमिटी गठन गरेको छ । शनिबार पाल्पामा आयोजित भेलाले जिल्ला अध्यक्षमा खिमानन्द पाण्डे रहने गरी जिल्ला कमिटीलाई पूर्णता दिएको हो । उनी नेकपा एमालेका तत्कालीन जिल्ला उपसचिव थिए । 

भेलाले पाण्डेको अध्यक्षतामा ७५ सदस्यीय जिल्ला कमिटी गठन गरेको हो । पाल्पा जिल्ला कमिटीको उपाध्यक्षमा रमा घर्ती, सचिवमा मोहन गैरे र उपसचिवमा कमल सेन रहेका छन् । यस्तै लेखनाथ पोखरेलको संयोजकत्वमा ७ सदस्यीय सल्लाहकार समितिसमेत सोही भेलाले गठन गरेको छ । 


ADVERTISEMENT

४ चैत ०७७ पछि अधिकांश जिल्लामा समानान्तर कमिटीलाई तीव्रता दिएको माधव नेपालपक्षले पाल्पामा भने समानान्तर कमिटी गठन गरेको थिएन । भेलालाई सम्बोधन गर्दै पार्टी केन्द्रीय कमिटी सदस्य सोम पाण्डेले समाजवादी दृष्टिकोणले नै मुलुकलाई निकाश दिने दाबी गरे ।



Author

थप समाचार