प्रधान सेनापति र पाकिस्तानी कार्यवाहक राजदूतबीच भेटवार्ता

काठमाडौँ – प्रधान सेनापति प्रभुराम शर्मा पाकिस्तानका कार्यवाहक राजदूत अदनन् जवेद खानबीच भेटवार्ता भएको छ । शर्मा र खानबीच बुधबार काठमाडौंस्थित जंगी अड्डामा शिष्टाचार भेटवार्ता भएको हो ।

प्रधान सेनापतिको कार्यकक्षमा भएको उक्त भेटवार्तामा दुई पक्षीय आपसी हित तथा पारस्परिक सम्बन्धका विषयमा छलफल भएको बताइएको छ । यस किसिमको भेटवार्ताले दुई देशबीचको आपसी सम्बन्धलाई थप सुमधुर एवम् प्रगाढ बनाउन मद्दत पुग्ने सेनाको विश्वास छ ।

---