एमाले सामाजिक न्याय र समृद्धिको अभियन्ता : ओली

काठमाडौँ – नेकपा एमाले अध्यक्ष केपी शर्मा ओलीले आफ्नाे पार्टी सामाजिक न्याय र समृद्धिको अभियन्ता रहेको बताएका छन् । पार्टीनिकट विद्यार्थी संगठन अनेरास्ववियुले बुधबार पार्टीको १० औं राष्ट्रिय महाधिवेशनको पूर्वसन्ध्यामा आयोजना गरेको अखिल शुभकामना साँझमा सम्बोधन गर्दै उनले यस्तो बताएका हुन् । 

‘हामी समृद्धिको यात्रामा निरन्तर अगाडि बढिरहेका छौं । समाजका सबै क्षेत्रलाई अगाडि बढाउने अगुवाका रूपमा हामी अघि बढ्न चाहन्छौं । त्यसक्रममा विद्यार्थी संगठनले चलाएको सांस्कृतिक र अतिरिक्त क्रियाकलापले पनि योगदान दिन सक्नेछ,’ उनले भने । अध्यक्ष ओली बाँकेको नेपालगञ्जको पार्टी प्रवेशमा सम्बोधन गरेर बुधबार नै काठमाडौं फकिएका हुन् ।

---