दाहाललाई लक्षित गर्दै ओलीले भने : अरुले तालिम र हतियार दिए त जनयुद्ध, सनयुद्ध पनि हुने रहेछ

काठमाडौँ – नेकपा (एमाले)का अध्यक्ष केपी शर्मा ओलीले माओवादी जनयुद्धमाथि प्रश्न उठाएका छन् । नेपाल जनसांस्कृतिक महासंघको ३५औँ स्थापना दिवसको कार्यक्रममा बोल्दै ओलीले अरुले तालिम र हतियार दियो भने त जनयुद्ध हुने रहेछ भन्दै टिप्पणी गरेका हुन् ।  
‘अरुले तालिम र हतियार दिए त जनयुद्ध सनयुद्ध पनि हुने रहेछ । कम्युनिष्ट भनेको छ । इतिहासको चेत छैन’ उनले भने ।  

ठोरी नै रामको जन्मभूमि हो भन्ने ओलीको भनाइको खण्डन गर्दै केही समयअघि माओवादी अध्यक्ष पुष्पकमल दाहालले ओली वामपन्थी नभई रामपन्थी भएको टिप्पणी गरेका थिए । ओलीले आज उक्त टिप्पणीको पनि जवाफ फर्काएका छन् ।  
ठोरीमा रामको जन्म भएको भन्दा केही व्यक्तिलाई रिचिराहट भएको पनि बताए ।  
‘पहिले नेकपा हुँदा हामीसँगै भएर अहिले छुट्टिएका एकजनाले केपी ओली वामपन्थी होइन रामपन्थी हो भनेछन्’ ओलीले भने ।    

---