सीके राउतका जनमत पार्टीले मधेस सरकारलाई बुझायाे ज्ञापन पात्र

जनकपुरधाम – जनमत पार्टीले किसानसँग सम्बन्धित ११ बुँदे मागसहितको मधेस सरकारलाई ज्ञापनपत्र बुझाएको छ । मुख्यमन्त्री लालबाबु राउतले नभेटेपछि जनमतका कार्यकर्ता मुख्यमन्त्री तथा मन्त्रिपरिषद् कार्यालयका अधिकृत सुरेन्द्र कर्णलाई ज्ञापनपत्र बुझाएका हुन् ।

मधेस भवनमा मुख्यमन्त्री राउतलाई नभेटेपछि कर्मचारीलाई नै ज्ञापन पत्र बुझाउनु परेकाे जनमत पार्टीका केन्द्रीय उपाध्यक्ष ई. वसस्त कुशवाहाले बताएका छन । नेता कुशवाहले आज सातै प्रदेश सरकारलाई ज्ञापनपत्र कार्यक्रम रहेकाे हुँदा आफू जनमत पार्टीको नेतासहित ज्ञापनपत्र बुझाउन आएको जानकारी दिए।

---

उनले एक महिनादेखि आन्दोलन गरे पनि प्रदेश सरकारले कुनै चासो नदेखाएको गुनासो गरेका छन् । ज्ञापनपत्रमा किसानलाई समयमा मलखाद र बीउको व्यवस्था गर्नुपर्ने, किसानलाई पेन्सन दिनुपर्ने, स्वतः बालीनाली बीमा निश्चित गर्नुपर्ने, किसान कार्ड र सिँचाइको व्यवस्था गर्नुपर्ने लगायतका माग राखेकाे छ ।