सवारी दुर्घटनामा एक जनाको ज्यान गयो

जनकपुरधाम : सर्लाहीमा भएका दुई छुट्टाछुुट्टै सवारी दुर्घटनामा एक जनाको ज्यान गएको छ भने एक हरिणको समेत मृत्यु भएको छ । गएराति जिल्लाको वाग्मती नगरपालिका–३ स्थित नयाँरोड बरहथवा सडक खण्डमा मोटरसाइकलको ठक्करबाट हरिणको मृत्यु भएको हो ।

हरिणलाई ठक्कर दिएपछि प्र. १–०२–०४२ प. ४००९ नम्बरको मोटरसाइकल पल्टिदा दुई जना घाइते भएको सर्लाहीका प्रहरी प्रवक्ता मदन कुँवरले जानकारी दिए । मोटरसाइकलको ठक्करबाट मृत्यु भएको हरिणलाई ईलाका वन कार्यालय मुर्तीयालाई जिम्मा लगाएको प्रहरीले जनाएको छ ।

---

त्यस्तै सर्लाहीकै बरहथवा नगरपालिका ९ पैतालिस बिग्घास्थित नयाँरोड मधुवनि सडक खण्डमा मोटरसाइकलको ठक्करबाट पैदल यात्रीको मृत्यु भएको छ । मृत्यु हुनेमा सोही स्थानका ७० वर्षीय ज्ञान बहादुर तामाङ रहेको प्रवक्ता कुँवरले जानकारी दिए ।

बरहथवाबाट नयाँरोडतर्फ जाँदै गरेको बा ५८प ४५३१ नम्बरकोे मोटरसाइकलको ठक्करबाट गम्भीर घाइते भएका तामाङको उपचारको लागि बिरगंजतर्फ लेँजादै गर्दा बाटोमै मृत्यु भएको हो ।

मोटरसाइकल चालक रामनगर गाउँपालिका वडा नं. १ खैर्वाका १७ वर्षीय शुसिल गिरी र पछाडि सवार बसबरिया गाउँपालिका वडा नं. ६ चोर्वाका १८ वर्षीय जयराम यादवलाई प्रहरीले नियन्ज्ञणमा लिएको छ ।