जनकपुरमा कोभिड-१९ संक्रमणबाट एक महिलाको मृत्यु

जनकपुरधाम  : कोभिड-१९ संक्रमणबाट जनकपुरमा एक महिलाको मृत्यु भएको छ । प्रदेश स्वास्थ्य निर्देशनालयका निमित्त निर्देशक बिजयकुमार झाका अनुसार जनकपुर उपमहानगरपालिका १ बस्ने ६५ वर्षे महिलाको मृत्यु भएको हो ।

एकाएक ज्वरो आएर श्वास प्रश्वासमा कठिनाइ भएपछि शुक्रबार बिहान प्रादेशिक अस्पताल जनकपुरमा भर्ना गरिएकी ती महिलाको शनिबार बिहान उपचारको क्रममा मृत्यु भएको जनाइएको छ ।

---

उपचारमा संलग्न चिकित्सकहरुका अनुसार ती महिला उच्च रक्तचाप, मधुमेह र दम रोगीसमेत थिइन् । योसँगै धनुषामा संक्रमित मृत्यु हुनेहरुको संख्या १९ पुगेको छ ।