प्रदेश प्रमुखलाई बुझायो महालेखाले प्रतिवेदन

मकवानपुर । बागमती प्रदेशका प्रदेश प्रमुख यादवचन्द्र शर्मालाई महालेखा परीक्षक कार्यालयले बुधबार पाँचौं वार्षिक प्रतिवेदन बुझाएको छ ।

कार्यालयले आर्थिक वर्ष २०७८-०७९ मा सम्पादन गरेको काम कारबाही समेटिएको  वार्षिक प्रतिवेदन महालेखाका नायव महालेखापरीक्षक बालकृष्ण थापाले प्रदेश प्रमुख शर्मालाई बुझाएका हुन् ।

---

नेपालको संविधानको धारा २९४ को उपधारा ९३० बमोजिम प्रदेश प्रमुखसमक्ष महालेखा परीक्षकको कार्यालयले वार्षिक प्रतिवेदन बुझाएको हो । प्रतिवेदन बुझ्दै प्रदेश प्रमुख शर्माले प्राप्त प्रतिवेदनले वित्तीय सुशासन कायम गर्न प्रभावकारी भूमिकाका लागि सघाउ पुग्ने विश्वास व्यक्त गरे ।

समयमै प्रतिवेदन पेश गरेकोमा खुसी व्यक्त गर्दै प्रमुख शर्माले सरकारी कार्यालयमा बढ्दो बेरुजु घटाउन विधि अनुसार चल्न, सही समयमा कार्य सम्पादन गर्न प्रभावकारी भूमिका निर्वाह गर्न सुझाव पनि दिए ।