५६१ ग्राम सुन जस्तो देखिने पहेंलो धातु बरामद

मकवानपुर- जिल्ला प्रहरी कार्यालय मकवानपुरले ५६१ ग्राम सुन जस्तो देखिने पहेंलो धातु बरामद गरेको छ ।

प्रहरी उक्त धातुसंगै एक जनालाई नियन्त्रणमा लिएको छ । हेटौंडा उपमहानगरपालिका-१५  रातोमाटे चेक पोष्ट अगाडी सडक खण्डमा प्रहरी चौकी रातोमाटेबाट खटिएको प्रहरी टोलीले सवारी साधनहरू जाच गर्ने क्रममा धातु सहित अबैध कपडा समेत बरामद गरेको छ । 

---

वीरगञ्‍जबाट पोखरातर्फ जाँदै गरेको ग २ ख ६९२ नं. को यात्रु बाहक बसको डिक्की भित्र लुकाई ल्याएको अवस्थामा साडी १०० पिस, सल ६०० पिस गरी अन्दाजी १० लाख ५ हजार मुल्य बराबरको अबैध कपडा बरामद गरेको हो । 

कपडा र धातु थप अनुसन्धानको लागि राजस्व कार्यालय पथलैया पठाइने प्रहरीले जनाएको छ । 

प्रहरीले काठमाण्डौबाट आउदै गरेको प्रदेश २-०३-००१ ख ०१५९ नं. को यात्रु बाहक बसमा सवार बिरगंज महानगरपालिका- १६ बस्ने वर्ष २२ को किशन साहलाई नियन्त्रणमा लिएको हो । 

निजले लगाएको जुत्ताको नोकभित्र ३ थान सुन जस्तो देखिने पहेलो धातु ५६१ दशमलव ३० ग्राम बरामद गरेको हो ।