सिक्रे दोभानमा पहिरोमा बेपत्ता भएकामध्ये ८ महिनाकी दिब्या पहरीको शव भेटियो

मकवानपुर - बागमती गाउंपालिका ५ सिक्रे दोभानमा पहिरोले घर बगाउँदा बेपत्ता भएका मध्ये अर्को १ जना मृत अवस्थामा भेटिएका छन् । मंगलबार बिहानको पहिरोमा परेर बेपत्ता भएका मध्ये ८ महिनाकी दिब्या पहरी मृत भेटिएको प्रहरीले जनाएको छ ।

बुधबार ६ः४८ बजेको समयमा जिल्ला सिन्धुली हरिहरपुर गाउँपालिका ३ बनौलीस्थित बागमती खोलाको किनारमा दिब्या मृत भेटिएको मकवानपुर प्रहरी प्रवक्ता टेक बहादुर कार्कीले जानकारी दिए । पहिरोमा बगाएका बागमती गाउँपालिका(५ सिक्रे दोभानका ६० वर्षीय अक्कलबहादुर स्याङ्तानका ज्वाई २५ बर्षीय जीवन पहरी, नाती ४ बर्षीय मिलन पहरी अझै बेपत्ता छन् । उनीहरुको खोजी कार्य भइरहेको कार्कीले बताए ।

---

सोमबार रातिदेखि परेको अबिरल वर्षाको कारण मंगलबार साउन २३ गते बिहान ४ बजेको पहिरोले घर बगाउँदा ७ जना बेपत्ता भएकोमा अक्कल बहादुरकी श्रीमती ५५ बर्षीया सन्त माया स्याङ्तानको मंगलबार बिहानै उद्धार गरी फापरवारीस्थित स्वास्थ्य संस्थामा लैजाँदै गर्दा बाटोमै मृत्यु भएको थियो ।

पहिरोले स्याङ्तान, उनकी २२ वर्षीया छोरी शिला पहरी, ज्वाइँ २५ वर्षीय जीवन पहरी, नाती ४ वर्षीय मिलन पहरी, ८ महिनाकी नातिनी दिब्या पहरी र सिन्धुली हरिहरपुर गाउँपालिका(१ कोकटीका अन्दाजी १६र१७ वर्षका पासाङ घिसिङलाई बगाएको थियो ।

पहिरो परी बेपत्ता भएका सिन्धुली हरिहरपुर(१ कोकटीका बस्ने १७ बर्षीय पासाङ घिसिङको मात्रै जीवित उद्दार गरिएको छ । घिसिङको हेटौडा अस्पतालमा उपचार भइरहेको छ ।