उपनिर्वाचन : कीर्तिपुर नगरपालिकाको मेयर पदकालागि प्रचारप्रसार तीव्र

काठमाडौं - काठमाडौंको कीर्तिपुर नगरपालिकाको मेयर पदमा हुन लागेको उपनिर्वाचनमा लागि प्रमुख राजनीतिक दलका साथै स्वतन्त्र उम्मेदवारहरूले प्रचार प्रसारका साथै घरदैलो अभियानलाई तीव्रता दिएका छन् ।

नगरपालिकाको मेयर पदमा उम्मेदवारहरूले जनताका घर घरमा पुगेर आफ्ना एजेण्डका बारेमा जानकारी गराउँदै मत मागिरहेका छन् ।  

---

एमाले, कांग्रेस, माओवादी, जसपा, राप्रपा, नेमकिपा लगायत दलका उम्मेदवारका साथै स्वतन्त्र उम्मेदवारहरूमध्ये केही घर घरमा पुगेका छन् भने केहीले चोक चोकमा सभा गरिरहेका छन् । त्यस्तै केही उम्मेदवारहरूले साइकल र्याली गर्दै प्रचार प्रसार गरिरहेका छन् ।

कीर्तिपुर नगरको प्रमुखमा एमालेका तर्फबाट सुरेन्द्र मानन्धर,  कांग्रेसबाट कृष्णमान डंगोल, माओवादी केन्द्रका तर्फबाट प्रा.डा.शिवशरण महर्जन, राष्ट्रिय प्रजातन्त्र पार्टीका तर्फबाट ध्रुव महर्जन लगायतले केहीले स्वतन्त्र उम्मेदवारी दिएका छन् ।