चौधरीको बियर उद्योगमा आगलागी

बुटवल : पूर्वी नवलपरासीको देवचुली नगरपालिका २ केरारेनीस्थित चौधरी समूहको वियर उद्योगमा आगलागी भएको छ । उद्योगको नेपाल आइस वियर प्लान्टमा बिहान ८ बजेतिर अचानक आगलागी भएको हो । 

आगो अझै नियन्त्रणमा आइसकेको छैन । प्रहरी, दमकल र कामदारहरुले आगो नियन्त्रणको प्रयास गरिरहेका छन् । आगो नियन्त्रणमा लिन विल्डिङको केही भाग डोजर लगाएर भत्काईएको छ ।

---

अहिलेसम्म बोटलिङ प्लान्ट र गोदाममा आगो लागेको उद्योगका प्रशासन प्रमुख दामोदर पौडेलले बताए । आगलागीको कारण खुलेको छैन । क्षतिको विवरण आउन बाँकी छ ।