शान्ति समाजद्वारा पाँच जिल्लामा रक्तदान कार्यक्रम
काठमाडौँ - विश्व रक्तदाता दिवस १४ जुन (३१ जेठ) का अवसरमा मानव अधिकार तथा शान्ति समाजको आयोजनामा ५ जिल्लामा रक्तदान कार्यक्रम सम्पन्न भएको छ ।
२०७९ जेठ ३१ गते शान्ति समाज चितवन शाखाद्वारा भरतपुरमा आयोजित रक्तदान कार्यक्रममा चितवन शाखा सभापति शम्भु राउत सहित ३३ जनाले र शान्ति समाज काठमाडौँ शाखाले बौद्धमा आयोजना गरेको रक्तदान कार्यक्रममा समाजका महासचिव रामकृष्ण बरालसहित २९ जनाले रक्तदान गरेका थिए ।
यसैगरी सुर्खेत शाखाद्वारा वीरेन्द्रनगरमा आयोजित रक्तदान कार्यक्रममा शाखा सभापति प्रकाश शाही ,सचिव दिपक गौतम सहित २१ जनाले रक्तदान गरेका थिए ।
जेठ ३१ गते नै शान्ति समाज रुपन्देहीको आयोजनामा बुटवलमा सम्पन्न रक्तदान कार्यक्रममा केन्द्रीय सचिव मीना ढकाल, शाखा उपसभापति कृष्ण भट्टराई सहित २० जनाले रक्तदान गरेका छन् ।
यसैगरी शान्ति समाज दाङ शाखाद्वारा तुलसीपुरमा आयोजित कार्यक्रममा १२ जनाले रक्तदान गरेका थिए । त्यसक्रममा शान्ति समाजका आजीवन सदस्य हेमेन्द्र खड्काले २० औ पटक रक्तदान गरेका छन् ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया