लमजुङका दुई कैदीबन्दीको कैद मिनाह
लमजुङ- संविधान दिवसको अवसरमा लमजुङका दुई जना कैदीको कैद मिनाह भएको छ ।
मन्त्रिपरिषद्को सिफारिसमा संविधान दिवसका अवसरमा राष्ट्रपति विद्यादेवी भण्डारीले देशभर ७०२ जना कैदीलाई बाँकी कैद कट्टा गरी मिनाह गर्ने क्रममा लमजुङका पनि २ जनाको कैद मिनाह भएको हो ।
जिल्ला कारागार लमजुङबाट दुई जना कैदीबन्दी रिहा भएको जेलर ताराबहादुर तामाङले जानकारी बताए । उनका अनुसार सवारी ज्यान मुद्दा परेका सुन्दरबजार ७ का पवन घर्ती मगर र बेसीशहर १ का रूपेश विकको कैद मिनाह भएको हो ।
सुन्दरबजारका पवन घर्ती २०७८ फागुन ३ गतेका दिन सवारी ज्यान मुद्दामा एक वर्ष दुई महिना २७ दिनका लागि कारागार चलान भएका थिए भने बेसीशहर १ का रुपेश विक २०७८ पुस ७ गते सवारी मुद्दामा एक वर्ष १० महिना १६ दिनका लागि कारागार चलान भएका थिए ।
Author
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया