कैलालीमा लागूऔषधसहित तीन जना पक्राउ

कैलाली- लागूऔषधसहित कैलाली प्रहरीले ३ जना पक्राउ गरेको छ ।

पक्राउ पर्नेहरूमा बझाङको बुङ्गल नगरपालिका २ घर भई हाल कैलालीको गोदावरी नगरपालिका ४ बस्ने ६२ वर्षीय गगन धामी, गोदावरी नगरपालिका ०१ बाँसबारीस्थित पुष्पराज पुन मगरको घरमा डेरा गरी बस्ने चुरे गाउँपालिका ३ की २३ वर्षीया निर्मलाकुमारी रावत र गोदावरी नगरपालिका १ धनगढी रोड बस्ने २४ वर्षीय राजन हमाल रहेको प्रहरीले जानकारी दिएको छ । 

---

प्रहरीले धामीको साथबाट चरेस ४ के.जी., रावतसंह ३ ग्राम १६० मिलिग्राम लागूऔषध खैरो हेरोइन र हमालको घरबाट १ ग्राम ३४० मिलिग्राम लागूऔषध खैरो हेरोइन बरामद गरिएको जनाएको छ ।

उनीहरूलाई प्रदेश प्रहरी कार्यालय धनगढीको आरआईटी टोली र इलाका प्रहरी कार्यालय मालाखेती कैलालीबाट सादा पोसाकमा खटिएको संयुक्त प्रहरी टोलीले पक्राउ गरी इलाका प्रहरी कार्यालय मालाखेतीको नियन्त्रणमा लिई आवश्यक अनुसन्धान कार्य भइरहेको प्रहरीले जानकारी दिएको छ ।