कैलालीमा भरुवा बन्दुकसहित एक जना पक्राउ

कैलाली- कैलालीमा भरुवा बन्दुकसहित एक जना पक्राउ परेका छन् ।

कैलारी गाउँपालीका–८ पृथ्बिपुरका ५५ वर्षीय दयाराम चौधरीको घरमा खानतलासी गर्दा एक नाले बन्दुक दुई थान, बारुद ४ डिब्बा, गोली ३६ पिस, सिसा २४ पिस, केप ८ पिस, कम्पास १ थान लुकाई छिपाई राखेको अवस्थामा प्रहरीले चौधरीलाई पक्राउ गरेको हो ।

---

जिल्ला प्रहरी कार्यालय कैलालीका अनुसार विशेष सुराकीका आधारमा इलाका प्रहरी कार्यालय हसुलियाबाट खटिइएको प्रहरी टोलीले घरको खानतलासी गरी सामानहरूसहित चौधरीलाई नियन्त्रणमा लिएको हो ।