डडेल्धुरामा विषालु च्याउ खाँदा एक जनाको मृत्यु

कैलाली- डडेल्धुरामा जङ्गली विषालु च्याउ खाँदा एक जनाको मृत्यु भएको छ । गन्यापधुरा गाउँपालिकाको नयाँ भवन निर्माणमा संलग्न मजुरको विषालु च्याउ खाँदा शुक्रबार राति मृत्यु भएको जिल्ला प्रहरी कार्यालय डडेलधुराका प्रहरी नायव उपरीक्षक (डिएसपी) मनोहरप्रसाद भट्टले जानकारी दिए ।

मृत्यु हुनेमा बर्दिया जिल्लाको बारबर्दिया नगरपालिका–७ की ५० वर्षीय रामदुलारी थारू रहेको प्रहरीले जानकारी दिएको छ । 

---

शुक्रबार साँझ जङ्गली च्याउ खाएर बिरामी परेकी थारूको डडेलधुरा अस्पतालमा उपचारकै क्रममा मृत्यु भएको डिएसपी भट्टले जानकारी दिए ।