नेपाल एयरलाइन्सले भन्यो - दुबईबाट नेपाल आउँदा छुटेको ल्यापटप लिन आउनु

काठमाडौं - दुबईबाट नेपाल एयरलाइन्सको जहाजमार्फत काठमाडौं आएका एक यात्रुको ल्यापटप विमानमै छुटेको छ। ७ जुलाईमा दुबईबाट काठमाडौं आएका यात्रुले नेपाल एयरलाइन्सको जहाजमा आफ्नो ल्यापटप छाडेका हुन्।

यात्रुले ल्यापटप छुटेको लामो समयसम्म पनि सम्पर्क नगरेपछि एयरलाइन्सले नै सामाजिक सञ्जालमार्फत ल्यापटप धनीलाई प्रमाणपत्रसहित सम्पर्कमा आउन आग्रह गरेको छ। सोमबार एयरलाइन्सले आफ्नो फेसबुक पेजमार्फत ७ जुलाईमा यात्रुको ल्यापटप फेला परेको जानकारी दिएको छ।

---

७ जुलाईमा नेपाल एयरलाइन्सको उडान नम्बर आरए २३० बाट काठमाडौं आएका यात्रुको ल्यापटप छुटेको हो।