गोदावरीबाट लागूऔषधसहित दुई जना पक्राउ

धनगढी- कैलालीमा लागूऔषधसहित दुई जना पक्राउ परेका छन् ।

जिल्लाको गोदावरी नगरपालिका–८ स्याउले बजारमा रहेको चम्फा ट्याक्टरका पाटपुर्जाको पसलका सञ्चालक धनगढी उपमहानगरपालिका–५ हसनपुरका ३२ वर्षीय सरद चौधरी र सोही ठाउँको जेयसके फेन्सी स्टोर पसलका सञ्चालक ३२ वर्षीय  मधुसुदन पन्तलाई लागूऔषधसहित पक्राउ गरेकाे हो ।

---

चौधरीको साथबाट ६ ग्राम ७९० मिलीग्राम र पन्तको साथबाट २४० मिलिग्राम लागूऔषध फेला पारेको प्रहरीले जनाएको छ । दुवै जनालाई नियन्त्रणमा लिई थप अनुसन्धान भइरहेको इलाका प्रहरी कार्यालय मालाखेतीले जनाएको छ ।