रौतहट बन्दको कार्यक्रम स्थगित

रौतहट - रौतहट बन्दको कार्यक्रम स्थगित भएको छ । गौर हत्याकाण्ड पीडित संघर्ष समितिले आव्हान गरेको अनिश्चतकालीन रौतहट बन्द कार्यक्रम हाललाई स्थगित गरिएकाे हो।

हिजाे अबेर साँझ एक विज्ञप्ति जारी गर्दै बन्द कार्यक्रम स्थगित गरिएको जानकारी गराएको हो ।

---

संघर्ष समितिकी संयोजक रुपसागर देवी उपाध्यायद्धारा हस्ताक्षरित विज्ञप्तिमा केही राजनीतिक पार्टीहरू  मुठभेड खडा गर्न उत्सुक रहेको र खुलेआम अर्को गौर हत्याकाण्ड दोहोर्‍याउने धम्की दिइरहेको जनाइएको छ ।

विज्ञप्तिमा संघर्षको कार्यक्रमलाई परिमार्जन गरेको उल्लेख गरेको छ । समितिको धर्ना कार्यक्रमलाई भने यथावत राखी रौतहट अनिश्चितकालीन बन्दको कार्यक्रमलाई तत्कालका लागि स्थगित गरिएको विज्ञप्तिमा उल्लेख  छ ।