कैलालीमा खोलाले बगाउँदा बालिकाको मृत्यु

धनगढी- कैलालीमा नुहाउने क्रममा खोलाले बगाउँदा एक बालिकाको मृत्यु भएको छ ।

जिल्लाको चुरे गाउँपालिका–४ बालुवागाडाका रामबहादुर तारामी मगरकी १६ वर्षीया छोरी सर्मिला तारामी मगरको खोलाले बगाउँदा मृत्यु भएको हो । घरदेखि केही टाढा रहेको बालुवागाडा खोलामा नुहाउने क्रममा सर्मिलाको खोलाले बगाउँदा मृत्यु भएको हो ।

---

उनको शव नुहाउन गएको स्थानबाट अन्दाजी ५०० मिटर तल खोलाको छेउमा बिहीबार बिहान मृत अवस्थामा फेला परेको प्रहरीले जनाएको छ ।