पूर्वमन्त्री बस्नेतद्वारा आगलागी पीडितलाई राहत वितरण, घर बनाइदिने आश्वासन
काठमाडौँ : पूर्व सञ्चार तथा सूचना प्रविधिमन्त्री तथा नेपाली कांग्रेसका नेता मोहनबहादुर बस्नेतले सिन्धुपाल्चोकका आगलागी पीडितलाई राहत वितरण गरेका छन् । कांग्रेसका केन्द्रीय सदस्य तथा खेलकुद विभाग प्रमुख बस्नेतले त्रिपुरासुन्दरी गाउँपालिका-३ धुस्कुन चाम्बोटेका आगलागी पीडित मनकुमारी घलेलाई दश हजार रुपैयाँ, जस्तापाता, सिरक ३ थानलगायत राहत वितरण गरेका हुन् ।
यस्तै खाद्यान्नमा चामल, दाल, चिनीलगायत रातह पनि वितरण गरिएको छ । पीडित घलेका लागि एउटा सानो घर बनाई दिने बस्नेतले आश्वासन दिएका छन् ।
त्यस्तै सोही अवसरमा बस्नेतले धुस्कुन पात्लेमा रहेको आइसोलेशन सेन्टरमा रहेका बिरामीको लागि अण्डा, हर्लिक्स र केही खाद्यान्न पनि वितरण गरेका छन् ।
उक्त नगद तथा सामग्री सहयोग र संयोजन नेपाली कांग्रेसका क्षेत्रीय सभापति बालकृष्ण बस्नेतले गरेका थिए । कार्यक्रममा कांग्रेसका स्थानीय नेताहरू नेत्र थापा, युधीर पौडेल, निमादोर्जे तामाङ (शिखर), युवाखर सापकोटा (नारायण ), सुकुमान तामाङ, पदम तामाङ, विमल पहरीलगायत उपस्थित थिए ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया